44 - என் சுவாசமே!
மார்ச் 29, 2008 இல் 11:02 நான் (44 - என் சுவாசமே!)
Tags: என் சுவாசமே!
ஓ!…
எனது நிழலில்
ஒளிந்து கொண்டே
எனக்கு
மருத்துவம் பார்க்க மறுக்கும்
என் இதயத்துத் தேவதையே!
இப்போதும்
உனை நான் நெருங்க நெருங்க…
நீ எனை விட்டு
விலகி விலகியே செல்கிறாய்!
உனது நிழலைத் தேடியலைந்து
நாளெல்லாம்
காதலால் கவிமாலை புனைந்து
உனக்காய் காத்திருக்கிறேன்!
நான் நடந்து செல்லும்
பாதைகள் எங்கிலும்
உன் நினைவுகளின் தடங்கள்தான்!
கடலின் கரையில்
நடக்கும் பொழுதிலும்
அலையாய் வந்து
என் கால் பிடித்திழுப்பதும்
உன் நினைவுகள்தான்!
இப்படியே
உன் நினைவுகளின் கிளைகளைப்
பிடித்துத் தொங்கித் தொங்கி
உனக்காய்த் தேய்ந்து தேய்ந்து
ஊசலாடிக் கொண்டிருக்கிறது
இந்த மனசு!
ஓ!…
என் சுவாசமே!
இன்னும் எத்தனை காலங்களிற்கு
மௌன யுத்தம் செய்து
எனைக் கொல்லப் போகின்றாய்…?
http://www.thamilworld.com/forum/index.php?showtopic=8634&st=0&#entry124498
சத்தியா
